"Арсенал" даромадни ошириш учун ўз стадионини кенгайтириш вариантини кўриб чиқмоқда.
Айни дамда клубнинг уй стадиони ("Эмирейтс") сиғими бўйича Англияда олтинчи ва Премьер-лигада бешинчи ўринда - 60 704 ўриндиқ.
"Манчестер Юнайтед" (74 197), "Тоттенхэм" (62 850), "Вест Хэм" (62 500) ва "Ливерпуль" (61 276), шунингдек, "Уэмбли" (90 000) стадионлари "канонирлар"нинг уй аренасидан кўпроқ томошабинни ўз бағрига сиғдира олади.
Ўтган мавсумда "Арсенал"нинг уй учрашувларидаги даромади 120 миллион фунтдан ошганди.
Шу билан бирга, 2022/23 йилги мавсумда клубнинг худди шу ресурсдан даромади 102,6 миллион фунтни ташкил қилган.
Times таъкидлаганидек, "Арсенал" реконструкция қилишда қийинчиликларга дуч келиши мумкин, чунки майдон баландлигини пасайтиришнинг техник имконияти деярли йўқ - бу мухлисларнинг кўриш имкониятига таъсир қилади.
