"Бавария"нинг собиқ футболчиси Лотар Маттеус мюнхенликларнинг биринчи рақамли ўйинчиси ҳақида ўз фикрлари билан ўртоқлашди.
"Мен Мануэлни хафа қилишни хоҳламайман, лекин у энди аввалгидек "Бавария"нинг асосий таянчи эмас. Унинг ўйини ўзгарди. Илгари у деярли барча вазиятларни, биринчи пас билан ҳужумларни муваффақиятли бошлаши мумкин эди. Энди у ўз дарвозасининг тўлиқ хавфсизлигини кафолатлай олмайди", - деди Маттеус.
38 ёшли дарвозабон ва "Бавария" ўртасидаги амалдаги шартнома келаси йилнинг ўрталарига қадар тузилган. Дарвозабон мюнхенликлар сафида 2011 йилдан буён ўйнаб келмоқда.
