Антонио Рюдигер "Эл-Класико"да жароҳатдан қутулиб қолди.
"Реал" ҳимоячиси "Барселона" билан ўйиндан кейин (0:4) мушакларида муаммо юзага келгани маълум қилинганди. Ўйиндан кейин Лукас Васкес ҳам ноқулайликни бошдан кечирди, бироқ Рюдигернинг ҳолати катта ташвиш уйғотди.
AS нашрининг ёзишича, экспертиза натижаларига кўра, Рюдигернинг чап оёғи мушаклари сезиларли даражада ортиқча юклангани аниқланган, бироқ ҳимоячи жиддий жароҳат олмаган.
Қайд этилишича, Рюдигернинг шанба куни "Валенсия" билан ўйинда иштирок этиши сўроқ остида қолмоқда. Якуний қарор яқин кунларда қабул қилинади, аммо клуб германиялик ҳимоячининг соғлиғи ҳақида оптимистик фикрда.
