Ҳуқуқлари Лондоннинг “Арсенал” клубига тегишли бельгиялик вингер Леандро Троссард фаолиятини Саудия Арабистон Премьер-лигасида давом эттириши мумкин. Бу ҳақда Todofichajes портали хабар бермоқда.

Манбага кўра, 29 ёшли футболчининг хизматларига "Ал-Иттиҳод" клуби қизиқмоқда. Саудия клуби раҳбарияти футболчи учун 15 миллион евро таклиф қилишга тайёр. Шу билан бирга, Transfermarkt портали Троссарднинг нархини 35 миллионга баҳоламоқда.

Леандронинг шартномаси 2026 йилнинг июнь ойи охиригача амал қилади. Англия чемпионатининг жорий мавсумида ярим ҳимоячи ўнта ўйинда майдонга тушди. Троссард иккита гол урди.