Англия терма жамоасининг халқаро танаффусдаги тўққизинчи йўқотиши "Эвертон" ҳимоячиси Жаррад Брантуэйт бўлди.
Греция ва Ирландияга қарши Миллатлар лигаси ўйинларига дастлаб 26 нафар ўйинчини чақирган Англия терма жамоасининг вақтинчалик бош мураббийи Ли Карсли жароҳатлар сабабли, дарҳол саккиз нафар футболчи хизматидан фойдалана олмаслиги маълум бўлганди.
22 ёшли Брантуэйт терма жамоага қўшимча равишда чақирилганлар қаторида эди, бироқ Жаррад мавсумнинг дастлабки ҳафталарида уни безовта қилган жароҳати туфайли сўнгги кунларда жамоадошларидан алоҳида машғулот ўтказмоқда.
Натижада Карсли ва терма жамоанинг тиббий штаби Брантуэйт ўз клубига қайтиши маъқулроқ, деган қарорга келишди. Жаррад ўрнига "Ливерпул"дан Жарел Куанс таклиф қилинди, деб хабар беради Daily Mail.
