«Манчестер Сити» ҳужумчиси Карлос Тевес «Монако»нинг таклифини рад этди ва Туриннинг «Ювентус» жамоаси билдирган таклифни кўриб чиқмоқчи.
Футболчининг агенти Адриан Роуко музокаралар олиб бориш учун Италияга учиб кетган. Бу ҳақда Football Italia хабар бермоқда.
Манбада айтилишича, туринликлар футболчининг трансфери учун 18 миллион ва уч йиллик шартнома таклиф қилишмоқчи.
«Шаҳарликлар» билан 2014 йилга қадар шартномаси бўлган Тевес эса йиллик 10 миллион евро маошини сақлаб қолмоқчи.
Музокаралар давомида «Ювентус» футболчиси Артуро Видалнинг ҳам Англияга кўчиб имкониятлари кўриб чиқилиши мумкин.
Жорий мавсумда Тевес Англия чемпионатида 33 учрашувда майдонга тушган ва рақиблар дарвозасига 11 марта гол киритган, яна 9 марта голли узатмани амалга оширган.













