"Манчестер Сити" ярим ҳимоячиси Родри нуфузли индивидуал совринни боши узра кўтаришга тайёрланяптими ёки йўқми деган саволга жавоб берди.
Винисиус Жуниор "Олтин тўп" учун курашда яққол фаворит ҳисобланарди - матбуот ҳаттоки бразилиялик совринни муддатидан олдин "тақдим этди". Маросимдан бироз олдин Родрининг ғалабаси ҳақида маълумот пайдо бўлди ва бу охир-оқибат тасдиқланди. Овоз бериш натижаларига кўра испаниялик футболчи "Реал" форвардидан 41 очкога ўзиб кетди.
"Мен жуда оптимистик эмас эдим. Бироқ тантанали маросим куни ғалабам ҳақида хабарлар кела бошлади, одамларнинг муносабатини кўрдим. Бу сюрприз бўлди", - деди 28 ёшли ярим ҳимоячи El Hormiguero билан суҳбатда.
