Родри футболчиларга кўпроқ дам бериш кераклиги ҳақида гапирди. Сентябр ойида 28 ёшли испаниялик тиззасидан жароҳат олган эди.
"Мен соғлом бўлганимдан ҳам кўпроқ машқ қиляпман. Ҳар куни тўрт-беш соат вақт сарфлайман. Мени операция қилишди ва учинчи куниёқ тиззамда машқлар қила бошладим.
Шубҳасиз, агар ўйинчилар ўз хавотирларини билдиришса-ю, лекин уларга қулоқ солмасалар, унда ягона вариант – бу иш ташлаш. Дақиқаларнинг кўплиги, албатта, жароҳатлар сонини оширади.
Аммо тасодиф элементи ҳам бор, чунки жароҳатлар ўйиннинг бир қисмидир", - деди Манчестер ярим ҳимоячиси.
