Тибо Куртуа "Реал"нинг Чемпионлар лигасидаги мағлубияти ҳақида фикр билдирди.

Мадрид клуби бешинчи тур учрашувида меҳмонда "Ливерпул"га имкониятни бой берди – 0:2. Иккинчи бўлимда "Реал" ҳужумчиси Килиан Мбаппе пенальтидан фойдалана олмади.

"Ливерпуль" айни дамда Европанинг энг яхши жамоаларидан бири. "Энфилд"да ўйнаш ҳеч қачон осон эмас.

Биз, айниқса, биринчи бўлимда яхши ҳимояландик, аммо ҳужумда ҳамма нарса иш бермади; қарши ҳужумларда охирги пасни амалга ошира олмадик.

Иккинчи бўлимда улар ҳисобни эрта очишди ва афсуски, пенальтидан гол ура олмадик. Биз жароҳатланганларни соғинамиз, лекин буни ҳеч қачон баҳона қилмаймиз.

"Реал Мадрид" курашни давом эттиради. Биз кучлироқ жамоага ютқаздик, аммо ҳаммаси жойида.

Бу бизга чорак финалга чиқишимизни қийинлаштирмоқда, бироқ биз "Аталанта"ни мағлуб этишга ва қолган иккита ўйинда ғалаба қозонишга ҳаракат қилишимиз керак" - деди "Реал" дарвозабони Тибо Куртуа.