“Вест Хэм”га қарши ўйинда (5:2) бир гол ва иккита голли узатмани амалга оширган “Арсенал” вингери Букайо Сака журналистлар билан суҳбатлашди.
"Мен голли узатма ва голлардан катта завқ оламан, лекин энг катта қувонч ғалабалардан келади. Биз бу шаклни сақлаб қолишда давом этишимиз керак.
Албатта, охирги учта ўйин биз яхши формага қайтганимизни кўрсатмоқда", - дея Саканинг сўзларини келтиради Sky Sports.
"Арсенал" тарбияланувчиси бўлган 23 ёшли Сака Англия премьер-лигасининг жорий мавсумида Лондон клуби сафида 11 та ўйин ўтказиб, 4 та гол урди ва 8 та голли узатмани амалга оширди.
