"Ливерпуль" ҳужумчиси Муҳаммад Салоҳ мавсум якунида жамоани тарк этиши ҳақида яна бир бор шама қилди.

Мисрлик футболчининг шартномаси 2025 йилнинг ўрталарида тугайди. Томонлар янги келишув шартлари бўйича ҳалигача келишмаган.

"Бу алоҳида нарса. Мен буни оддий деб қабул қилмайман, бу ерда ҳар бир дақиқадан завқ оламан. "Энфилд"да гол уриш ва ғалаба қозониш ҳар доим ўзгача туйғу. Бу менинг "Ливерпуль" сафидаги "Манчестер Сити"га қарши [Энфилддаги] сўнгги ўйиним бўлса керак ва мен бундан завқ олишни хоҳлардим. Ажабланарлиси - атмосфера. Умид қиламанки, биз чемпионликни қўлга киритамиз ва кейин нима бўлишини кўрамиз", - дея Салоҳнинг сўзларини келтиради Sky Sports.