Мадриднинг “Реал” клуби дарвозабони Тибо Куртуа Килиан Мбаппенинг муаммолари ҳақида гапирди. Франциялик форвард ўтган ёзда "ПСЖ"дан эркин агент сифатида кўчиб ўтган "Лос Бланкос" сафига қўшилган эди.
Хабарингиз бор, Мбаппе узоқ вақтдан бери "Реал"да ўйнашни орзу қилган, аммо Мадридга ўтгандан кейинги дастлабки ойлар унга осон бўлмаган.
"Бу профессионаллик ёки хоҳишнинг етишмаслиги эмас. "Реал"га келганимда менда ҳам худди шундай бўлган. Шундай пайтлар бўладики, ҳаммаси яхши бўлмайди. Сиз хотиржам бўлишингиз ва олдинга интилишингиз керак. Бурилиш нуқтаси бўлиши керак ва ишончим комилки, Мбаппе ҳам шундай бўлади. Умид қиламанки, “Хетафе” дарвозасига урилган гол унга ишонч бағишлайди ва кейинги ўйинда “Атлетик” дарвозасига учта гол уради”, — деди Куртуа Madrid Zone билан суҳбатда.
