"Бавария" дарвозабони Мануэль Нойернинг шартномаси мавсум охирида якунига етади. Яқинда Германия кубоги доирасида "Байер"га қарши ўйинда мюнхенлик 38 ёшли сардор ўз фаолиятида биринчи марта қизил карточка олди, шундан сўнг у танқидларга учради.
Учрашув "Бавария"нинг мағлубияти (0:1) ва турнирдан чиқиб кетиш билан якунланди. Нойернинг жароҳатлари ва ҳозирги ноаниқликка қарамай, клуб раҳбарияти ҳали ҳам у билан шартномани узайтириш ниятида.
"Бавария" фахрийнинг келаси ёзда фаолиятини якунлаш эҳтимоли 1% дан кам деб ҳисоблайди. Мюнхенлик бошлиқлар Мануэль энди дунёнинг энг яхши дарвозабони мақомини сақлаб қола олмаётганини, лекин кейинги мавсумда юқори савияда ўйнаш учун етарли эканлигини тушунишади.
