"Боруссия" ярим ҳимоячиси Жованни Рейна Чемпионлар лигаси умумий босқичи 6-тури доирасидаги "Барселона"дан учралган мағлубият (2:3) ҳақида фикр билдирди.
"Чемпионлар лигаси ўйинида ўз уйида мағлуб бўлиш ақлдан озишдир. Биз яхши ўйнадик, лекин жуда, жуда яхши жамоага ютқаздик. Баъзида футбол тўлиқ адолатли бўлмайди: дуранг натижага лойиқ бўларди. Энди биз ушбу ўйиндан энг яхши жиҳатларни чиқариб, "Болонья" ва "Шахтёр"га қарши сўнгги икки ўйинда ғалаба қозонишимиз керак", - дея Рейнанинг сўзларидан иқтибос келтиради УEФА матбуот хизмати.
“Барселона” 15 очко жамғариб, турнир жадвалида 2-ўринга кўтарилиб олди. "Боруссия" 12 очко билан 9-ўринда қолди.
