"Ювентус" сўнгги дақиқаларда гол уриб, Италия чемпионатидаги илк мағлубиятдан қутулиб қолди.
Тиаго Мотта шогирдлари 16-турда ўз майдонида "Венеция"га 1:2 ҳисобида имкониятни бой бераётган эди, бироқ қўшиб берилган дақиқаларда Душан Влаховичнинг пенальтидан киритган голи эвазига мағлубиятдан қутулиб қолишга муваффақ бўлди.
Эндиликда туринликлар чемпионат бошланганидан буён 6 ғалаба ва 10 дурангга эришган.
Шу билан бирга, барча турнирлардаги сўнгги олти учрашувда туринликлар фақат битта ғалабага эришган – 11 декабрь куни "Манчестер Сити" (2:0). Қолганларида "Ювентус" рақиблари билан очко бўлишиб олди.
17 декабрь куни "бьянконерилар" Италия кубоги доирасида "Кальяри"ни қабул қилади.
