Машҳур собиқ футболчи Яп Стам "Ливерпуль" ҳимоячиси Виржил ван Дейк ҳақида фикр билдирди.
"Баъзилар Виржил ван Дейкни Премьер-лига тарихидаги энг яхши ҳимоячи деб айтишади. Мен бунга қўшилолмайман. Мухлислар сўнгги йилларни яхшироқ эслашлари учун шундай дейишяпти, лекин бундан 20-25 йил аввал содир бўлган воқеаларни, ўша даврдаги марказий ҳимоячиларни унутиб бўлмайди. Бизнинг давримизда сифатли, жаҳон даражасидаги марказий ҳимоячилар кўпроқ бўлган.
Ван Дейкдан хурсандман, чунки у ажойиб характерга эга зўр йигит, бундан ташқари, албатта иккаламиз ҳам нидерландмиз. Лекин мен уни Премьер-лига тарихидаги энг яхши ҳимоячи деб ҳисобламайман", деди Стам.
