"Ливерпуль" сардори Виржил ван Дейкнинг шартномаси 2025 йилнинг ёзида якунига етади. Нидерландиялик футболчи ҳали клуб билан янги меҳнат шартномаси бўйича келишиб олгани йўқ, бироқ томонлар яқин орада келишувга эришадиган кўринади.
TEAMtalk хабарига кўра, "Ливерпуль" марказий ҳимоячи билан янги икки йиллик шартнома имзолашига ишончи комил.
Яқинда матбуотда "Реал Мадрид"нинг Виржил ван Дейкга қизиқиши ҳақида миш-мишлар тарқалди, бироқ кейинчалик бу маълумот рад этилди.
Жорий мавсумда 33 ёшли футболчи “қизиллар” сафида барча турнирлар доирасида 23 та ўйин ўтказиб, 2 та гол ва битта голли узатмага муаллифлик қилган.
