Ярим ҳимоячи Дани Ольмо ва ҳужумчи Пау Викторнинг "Барселона"даги келажаги сўроқ остида.

Яқинда Каталония клуби ҳар икки футболчини рўйхатдан ўтказа олмади. Клуб раҳбарияти бу қарорга рози эмас ва вазиятни тўғирлаш устида ишлашда давом этади, аммо ҳеч нарса қила олмаса, мавсумнинг қолган қисмида Олмо ва Викторсиз қолади.

Carrusel Deportivo хабарига кўра, ҳужумчи ва ярим ҳимоячи норози, чунки аввалроқ "Барселона" уларни вазият аллақачон ҳал бўлган деб ишонтирган.

Дани Ольмо ёзда "Барса"га август ойида "РБ Лейпциг"дан кўчиб ўтганди, Пау Виктор эса июлда "Жирона"дан сотиб олинди.