Диого Жота ва Жо Гомес жароҳати сабаб бир неча ҳафта майдонга туша олмайди. Бу ҳақда “Ливерпуль” бош мураббийи Арне Слот маълум қилди.
Жота жароҳатини 14 январь куни "Ноттингем"га қарши ўйинда (1:1) олди. Гомес 29 декабрдан бери майдонга тушмади.
"Эҳтимол, Жота Жодан бироз олдинроқ қайтади. Иккаласи ҳам бир неча ҳафта ичида бизга қайтиши кутилмоқда.
Лекин мен кўп марта айтдимки, реабилитациянинг якуний босқичи энг қийин, ва баъзида тикланиш учун бир неча кун қўшилиши мумкин, баъзан эса йўқ.
Биз уларнинг яқин ҳафталарда қайтишларини кутамиз", деди "Ливерпуль" бош мураббийи Арне Слот.
