"Бавария"нинг ҳужумкор ярим ҳимоячиси Жамол Мусиала жамоадошлари Альфонсо Дэвис ва Лерой Саненинг келажаги ҳақидаги саволга жавоб берди.
Канадалик ҳимоячи ва германиялик вингернинг шартномалари жорий мавсум охирида тугайди. “Дэвис ва Лерой менинг энг яқин дўстларим. Улар ажойиб футболчилар ва биз учун жуда муҳим.
Нима бўлишини кўрамиз, лекин мен кейинги бир неча йил давомида улар билан ўйнашда давом этишдан хурсанд бўламан", - дея 21 ёшли футболчининг сўзларини келтиради Bayern & Germany.













