Кўриниб турибдики, ҳимоячи Трент Александер-Арнольд ҳали иккита вариантдан бирини танламаган. 26 ёшли футболчининг амалдаги шартномаси мавсум охиригача амал қилади ва матбуот кўпдан буён Трентни Испания Ла Лигаси гранди билан боғлаб келади.
Transfer News Live нашри журналист Сача Таволерига таяниб хабар беришича, Трент ҳозирча "Реал"га ўтиш борасида келишмаган. Шу билан бирга, футболчи шартномани узайтириш бўйича "Ливерпул"дан келган бир қанча таклифларни рад этди.
ФИФА қоидалари Трент Александер-Арнольдга 1 январдан бошлаб хориж клуби билан олдиндан шартнома имзолаш имконини беради.













