Якшанба куни "Манчестер Юнайтед" Патрик Доргу билан шартнома имзолаганини эълон қилди. "Лечче"дан Англия клубига ўтгандан сўнг, 20 ёшли даниялик футболчи трансферига изоҳ берди.
"Мен Рубен Аморим билан ишлашни бошлашимни сабрсизлик билан кутаман. Унинг бу жамоа ва келажакдаги клуб ҳақидаги тасаввури ҳайратланарли. Менинг ривожланишим учун аниқ режа ишлаб чиқилган ва мен "Манчестер Юнайтед" менинг салоҳиятимни рўёбга чиқариш ва улкан амбицияларимни амалга ошириш учун идеал жой эканини ҳис қилдим", - дея Доргу сўзларини келтирмоқда клуб матбуот хизмати.
