Жейми Каррагер Деклан Райс ижроси сифатини юқори баҳолади.
"Мен деярли Деклан Райснинг энг катта мухлисларидан бири эканлигимни ҳис қиляпман. Одамлар уни танқид қилиб, гол уришни ва голли узатма беришни сўрашаётганини кўрганимда бошимни тирнай бошлайман.
Биламан, биз охирги йилларда рақамларга қараймиз. "Арсенал"да Виейра ва Пети биз Премьер-лигада кўрган энг яхши ярим ҳимоячилардан эди. Қанча гол ургани ва қанча голли узатма бергани ҳақида ҳеч ким гапирмади.
Райс улардан бири, кўп қиррали ярим ҳимоячи бироз Рой Кинга ўхшайди. У деярли ҳамма нарсани қила оладиган 4-4-2 ўйинидаги ярим ҳимоячига ўхшайди. Ўз кучи ва прессинги билан у ажойиб ярим ҳимоячи", - дейди "Ливерпул"нинг собиқ ҳимоячиси.
