Мадриднинг “Реал” клуби Испания кубоги чорак финалида “Леганес”ни мағлуб этди (3:2).
Ҳал қилувчи гол "Кастилья"дан 20 ёшли Гонсало Гарсия томонидан киритилди. Ёш форвард 82-дақиқада захирадан майдонга тушди. Қўшиб берилган дақиқаларда у таблодаги якуний ҳисобни ўрнатди ва "қаймоқранглилар"ни ярим финалга олиб чиқди.
“Гарсия “Кастилья”да ажойиб формада эди ва у бугун ўз ҳиссасини қўшди. Биз ёш футболчиларимиз билан фахрланишимиз ва уларга таянишимиз керак. Эндрик ва Арда Гюлер ҳам яхши эди", - деди Анчелотти.
Гонсало Гарсия Испаниянинг учинчи кучли дивизионида "Реал Мадрид" ўринбосарлари сафида 21 учрашувда 19 та гол урган.
