Журналист Мирко Ди Наталенинг ёзишича, “Ювентус” яқинда “Аталанта” ҳужумчиси Адемола Лукман ҳақида маълумот сўраган. Маълумки, у камида 60 миллион еврога баҳоланган.
Қайд этилишича, 27 ёшли ҳужумчига Англия Премьер-лигасининг бир қанча клублари “Арсенал” ва “Челси” ҳам қизиқиш билдирмоқда.
Лукман ҳали келажаги ҳақида бир қарорга келмаган, аммо Премьер-лигага қайтиш ҳақида жиддий ўйламоқда.
Жорий мавсум форвард “Аталанта” сафида барча турнирлар доирасида 27 та ўйинда майдонга тушиб, 14 та гол урди ва 7 та голли узатмани амалга оширди.
