«Севилья» ҳужумчиси Алваро Негредо Туриннинг «Ювентус» жамоаси эътиборига тушди.
Агар «кекса сеньора» Игуаин, Тевес ва Йоветичларни ўз таркибига қўша олмаса, Негредо вариантини кўриб чиқади.
Бундан ташқари ҳужумчига «Анжи», «Боруссия Д», «Фиорентина», «Вест Ҳем» ва «Атлетико» жамоалари ҳам қизиқиш билдиришган. Андалусияликлар Негредони 25 миллиондан камига сотмоқчи эмас.
Жорий мавсумда Негредо Испания чемпионатида 36 учрашувда майдонга тушган ва 25та голга муаллифлик қилган. Яна икки марта голли узатмани амалга оширган.













