"Милан" хўжайинларининг маслаҳатчиси Златан Ибраҳимович Чемпионлар Лигасини тарк этгач, жамоани ҳакамдан шикоят қилмасликка чақирди.

Хабарингиз бор, "Фейеноорд"га қарши жавоб учрашувида бош ҳакам симуляциядан сўнг Тео Эрнандесни майдондан четлатганди - француз футболчисининг ҳисобида битта сариқ карточка бор эди.

"Биз ҳакамдан хафа эмасмиз. Ўзимиз айбдормиз - ҳеч қандай баҳона ёки шикоят йўқ. Биз олдинга силжиш ва олдинга интилиш учун кўзгуга қарашимиз ва хатоларимизни тан олишимиз керак. Қизил карточкалар бўлиб туради, биз уларни назорат қила олмаймиз. Майдонда хотиржамлик ва диққатни жамлаш керак," - деди Ибраҳимович Sky Sport Italia нашрига.