Адемола Лукман фаолиятини АПЛда давом эттириши мумкин.
Журналист Саша Тавольерининг хабар беришича, яқинда Жан-Пьеро Гасперини билан зиддиятга борган "Аталанта" вингери ёзги трансферлар даврида итальян клубини тарк этади. Таъкидланишича, Лукман кийиниш хонасида унга етарлича ҳурмат кўрсатилмаяпти, деб ҳисоблайди.
27 ёшли футболчига "Ливерпуль" қизиқиш билдирмоқда - нигериялик футболчи мавсум охирида шартномаси тугайдиган Муҳаммад Салоҳ ўрнига асосий номзодлардан бири сифатида кўрилмоқда. Мерсисайдликлар аллақачон Лукманнинг вакиллари билан алоқада бўлган.
Шунингдек, Адемоланинг трансферига "Арсенал" ҳам қизиқиш билдирмоқда. Лондонликлар ҳали битимни амалга ошириш учун аниқ қадамлар қўйишмаган.
Лукман жорий мавсум А Серияда 20 та ўйинда майдонга тушиб, 12 та гол ва 5 та голли узатмага муаллифлик қилди.
