"Реал Мадрид" ёзги трансфер ойнаси учун режалар тузмоқда.
Relevo нашри маълум қилишча, Мадрид клуби ёзги мавсумни деярли ҳеч қандай трансферсиз ўтказишни режалаштирган. "Қаймоқранглилар" фақатгина "Ливерпул"дан ўнг қанот ҳимоячиси Трент Александер-Арнольдни қўлга киритишга қизиқмоқда.
Мадрид клуби юлдузларни эркин агент сифатида ўз сафига қўшиб олиш стратегиясини давом эттирмоқчи. Ўтган йили Килиан Мбаппе билан шундай бўлган эди ва Трент билан ҳозир ҳам шундай бўлиши режалаштирилган. Масалан, Винисиус Жуниор ёки Карло Анчелоттининг кетиши каби форс-мажор ҳолатлар бўлмаса, "Реал Мадрид"нинг трансфер ойнаси тинч бўлади.
"Реал Мадрид" ҳимоя марказидаги муаммо ёш Раул Асенсионинг муваффақияти туфайли ҳал бўлди ва бу бошқа ёш ҳимоячиларга ўрнак бўлади, деб ҳисоблайди. Қайд этилишича, Лука Модрич катта эҳтимол билан яна бир мавсум қолади, Дани Себальос шартномасини узайтириш тарафдори, Аурелиен Тчуамени юқори сифатли ўйини Мартин Субимендига бўлган қизиқишга нуқта қўйган.
