"Манчестер Юнайтед" Кобби Майнунинг истеъдодини юқори баҳоламоқда ва ярим ҳимоячини янги шартнома билан боғламоқчи. Амалдаги меҳнат шартномаси 19 ёшли футболчини "қизил иблислар" билан 2027 йилнинг ярмигача боғлаб туради.
«Daily Mail» хабарига кўра, "Манчестер Юнайтед" вакиллари Майнунинг вакиллари билан янги шартнома бўйича музокараларни бошлаб юборган. Футболчи томони маошни ҳафтасига 180 минг фунт (217 минг евро) ва бонусларга оширишни талаб қилди.
"Манчестер Юнайтед"нинг асосий жамоаси учун Кобби Майну 60 та ўйинда майдонга тушиб, олтита гол урган ва шерикларига иккита голли узатмани амалга оширган.
