Туркиянинг "Галатасарой" клубида ижара асосида тўп тепаётган "Наполи" ҳужумчиси Виктор Осимхен Англия Премьер-лигасига кўчиб ўтиши мумкин. Бу ҳақда Todofichajes саҳифаларида маълум қилинди.
26 ёшли нигериялик голеадорга ҳамон Лондоннинг "Челси" клуби қизиқиш билдирмоқда. "Аристократлар" ҳужумчини ёзги трансферлар даврида ўз сафига қўшиб олмоқчи. Потенциал битим суммаси 75 миллион еврога баҳоланмоқда.
Туркия Суперлигасининг жорий мавсумида Виктор "Галатасарой" сафида 21 та учрашув ўтказди. Ҳужумчи 17 та гол ва тўртта голли узатма муаллифи бўлди. Унинг ижараси июнь ойи охирида тугайди.
