"Реал" таркибни кучайтириш имкониятларини ўрганмоқда. Мадрид клубининг вазифаларидан бири майдон марказини кучайтиришдан иборат. Бу муҳим, чунки Лука Модрич фаолиятининг сўнгги палласида.
Сўнгги пайтларда матбуот "Реал"ни "Челси" вакили Энцо Фернандес билан боғламоқда. Шу билан бирга, аргентиналикнинг трансфери қимматга тушади. Todofichajes портали хабарига кўра, лондонликлар 24 ёшли аргентиналик футболчи учун камида 90 миллион евро талаб қилади.
Қайд этилишича, "Реал" скаутлари Фернандес бўйича ижобий ҳисоботлар тайёрлаган, яъни келишув амалга ошиши мумкин.
