Мадриднинг “Реал” клуби ва Белгия терма жамоаси дарвозабони Тибо Куртуа “Ал-Қодисия” дарвозабони Кен Кастельснинг терма жамоани тарк этиш қарорига изоҳ берди. Кастельс Куртуа қайтгани сабабли Бельгия терма жамоасини тарк этишини айтган эди.
"Мен у терма жамоадаги биринчи рақамли ролини йўқотганидан норози эканлигини тушунаман. У ўзи қарор қабул қилиш ҳуқуқига эга. У баъзи танқидларни билдирди, аммо жамоанинг қолган аъзолари унинг фикрига қўшилмайди деб ўйлайман. Агар кимдир менга бирор нарса айтмоқчи бўлса, мен уни юзимга айтишни афзал кўраман. Мен шундай ишлашни афзал кўраман", - деб Куртуа сўзларини келтирмоқда Relevo.
Куртуа 2023 йилда бош мураббий Доменико Тедеско билан можаро туфайли терма жамоадаги ўйнашни тўхтатган эди.
