"Арсенал" ўз ҳимоячисини Саудия Арабистони қизиқишларидан ҳимоя қилиш мақсадида Габриэль Магальяэсга янги шартнома таклиф қилмоқчи.
Саудияликлар ёзги трансфер ойнасидаги асосий мақсадларидан бири сифатида Габриэлни аниқлаганликлари ҳақида доимий равишда миш-мишлар юрибди.
Бироқ, "Арсенал" ўзининг юлдуз ҳимоячиси билан хайрлашишдан манфаатдор эмас ва Саудия Арабистони чемпионатига бўлган қизиқишни бартараф этиш учун ҳамма нарсани қилишга тайёр.
Football Insider нашри хабарига кўра, "Арсенал" Габриэль билан шартномани 2027 йилгача узайтириш бўйича музокараларни аллақачон режалаштирган. "Арсенал" бош мураббийи Микель Артета 27 ёшли бразилиялик футболчининг Уильям Салиба билан ҳамкорлигини кўришни истамоқда, чунки "канонирлар" учинчи мавсумда ҳам Премьер-лига чемпионлиги учун даъвогар бўлиб қолмоқда.
