Серхио Агуэро "Манчестер Сити"нинг жорий мавсумдаги муаммолари ҳақида гапирди.
29 турда 48 очко жамғарган "шаҳарликлар" Премьер-лига турнир жадвалида 5-ўринда бормоқда. Пешқадам "Ливерпул"дан 22 очко фарқ бор.
"Бу энг ёқимли ҳолат эмас, лекин менимча, бу қачондир содир бўлиши мумкин эди. Менимча, "Манчестер Сити" - дунёдаги энг яхши жамоалардан бири. Албатта, катта жамоа учун ёмон мавсум қийин, аммо "Манчестер Сити" ҳақида гап кетганда, улар кўп йиллардан бери совринларни қўлга киритаётганини эсга олиш керак. Гвардиола нималар қилганини қаранг, у қанчалик тез-тез совринларни қўлга киритди, менимча, олдин ҳеч ким бундай қилмаган.
Бу аллақачон ютуқ ва биз буни қадрлашимиз керак, чунки одатда биз биринчи, иккинчи, учинчи, тўртинчи мавсумда ҳамма нарсани ютамиз, кейин эса ишлар унчалик яхши кетмайди – бу ёмон эмас деб ўйлайман" - деди “Манчестер Сити”нинг собиқ форварди.
