“Ювентус” ҳужумчиси Аркадиуш Милик яқин вақт ичида жамоани тарк этиши мумкин. Жароҳати туфайли 31 ёшли полшалик футболчи жорий мавсумда бир марта ҳам майдонга тушмади.
Форварднинг туринликлар билан шартномаси 2026 йилнинг ёзида тугайди, аммо клуб раҳбарияти шартномани муддатидан олдин бекор қилиш ҳақида ўйламоқда.
Футболчи келаси ёзда эркин агентга айланиши мумкин. "Ювентус" Аркадиуш Миликни 2023 йилда Франциянинг "Марсель" клубидан сотиб олган ва трансфер учун 7 миллион евродан кўпроқ пул тўлаган.
Ўтган мавсумда полшалик "кекса синьора" сафида барча турнирларда 32 та ўйинда 8 та гол урган.
