"Манчестер Юнайтед" ярим ҳимоячиси Бруну Фернандеш Европа Лигасида энг кўп гол уриш бўйича рекордга яқинлашди.
Пайшанба куни португалиялик футболчи Бильбаонинг "Атлетик" клубига қарши ярим финал ўйинида (3:0) дубль қайд этди - ҳозирда "қизил иблислар" сардори бутун фаолияти давомида Европа Лигасида 27 та гол урган. Фернандеш бу кўрсаткич бўйича бельгиялик ҳужумчи Ромелу Лукаку билан тенглашди - улар рейтингда учинчи ўринни бўлишиб турибди, деб хабар беради Squawka. Ундан юқорида фақат Радамель Фалькао (30) ва Пьер-Эмерик Обамеянг (34) жойлашган.
8 май куни "Манчестер Юнайтед" ва "Атлетик" ўртасида жавоб учрашуви бўлиб ўтади. Европа Лигаси финали 21 май куни бўлиб ўтади.
