Мадриднинг «Реал» жамоаси дарвозабони, бельгиялик Тибо Куртуа «қаймоқранглилар» билан меҳнат шартномасини узайтиришга яқин. Бу ҳақда инсайдер Николо Скира ижтимоий тармоқ "X" орқали хабар берди.

Манбанинг маълум қилишича, Куртуа ва испаниялик клуб 2027 йилгача шартномани узайтириш арафасида турибди. Ҳозирги шартнома 2026 йил 30 июнигача амал қилади.

Жорий мавсумда Куртуа «Реал» сафида барча мусобақаларда 44 та ўйин ўтказиб, 50 та гол ўтказиб юборди ва 14 та ўйинни «қуруқ» якунлади. Transfermarkt портали маълумотига кўра, 33 ёшли футболчининг бозор қиймати 25 миллион еврони ташкил этади.

34 та ўйиндан сўнг «Реал» Ла Лига жадвалида 75 очко билан иккинчи ўринни эгаллаб турибди. 35-турда Карло Анчелотти шогирдлари Каталониянинг «Барселона» жамоасига қарши майдонга тушади. Учрашув якшанба, 11 май куни, Тошкент вақти билан 19:15 да бошланади.