"Бавария" вингери Лерой Сане амалдаги шартномаси якунлангач, Англияга қайтиши мумкин.
Аввалроқ, 29 ёшли футболчига Лондоннинг "Арсенал" ва "Челси" клублари даъвогарлик қилаётгани, шунингдек, "Ньюкасл" ҳам қизиқиш билдираётгани ҳақида хабарлар тарқалган эди. FussballTransfers хабарига кўра, яқинда германиялик футболчининг хизматлари "Тоттенхэм"га таклиф қилинган. Футболчи "Бавария" билан тугаётган шартномасини узайтирмаса, эркин агент сифатида янги жамоасига ўтиши мумкин бўлади.
Лерой Сане аллақачон Англия Премьер-лигасида ўйнаган: 2016 йилдан 2020 йилгача у "Манчестер Сити" шарафини ҳимоя қилган ва у ердан 49 миллион евро эвазига Мюнхен суперклубига ўтган.













