"Брентфорд" клуби бош мураббийи Томас Франк клуб раҳбариятига "Тоттенхэм"ни бошқармоқчи эканлигини расман маълум қилди.
Бу ҳақда talksport ёзмоқда. 51 ёшли даниялик мутахассис "шпорлар" сафидаги муваффақиятли, аммо қисқа муддатли фаолиятидан кейин 6 июнь куни истеъфога чиқарилган Анге Постекоглу ўрнига асосий даъвогарга айланди. Манбага кўра, Франкнинг вакиллари аллақачон "Брентфорд" билан шартномани бекор қилиш шартлари бўйича музокаралар олиб борган. Товон пули суммаси тахминан 9 миллион фунтга баҳоланмоқда.
Постекоглу қўл остида "Тоттенхэм" кўп йиллар давомидаги илк совринни қўлга киритди - Европа Лигаси финалида "Манчестер Юнайтед" устидан ғалаба қозонди (1:0). Франк "Брентфорд"ни 2018 йилдан буён бошқариб келмоқда ва ўтган мавсумда жамоани АПЛда 10-ўринга олиб чиқди.
