"Бавария" ва Англия терма жамоаси ҳужумчиси Харри Кейн 2024/25 йилги мавсум бошидан буён жамоасининг 60 та голида бевосита иштирок этди.
Клублар ўртасидаги жаҳон чемпионати 1/8 финали доирасидаги "Фламенго"га қарши якшанба кунги баҳсда 31 ёшли футболчи дубль қайд этди ва мюнхенликларнинг 4:2 ҳисобидаги ғалабасига ҳисса қўшди. Энди ҳужумчининг ҳисобида мавсум бошидан бери клуб ва терма жамоа сафида 60 та гол ва самарали узатма бор. Юлдузли англиялик 48 марта ўз ҳисобига гол ёздириб қўйган бўлса, 12 вазиятда шерикларига ассистентлик қилди.
Эслатиб ўтамиз, "Бавария" КЎЖЧ чорак финалида Чемпионлар лигасининг амалдаги ғолиби "ПСЖ"га қарши баҳс олиб боради.
