"Штутгарт" "Бавария" билан ҳужумчи Ник Вольтемаде борасида музокараларга тайёргарлик кўрмоқда. 23 ёшли футболчи мюнхенликларнинг трансфер мақсадлари орасида қолмоқда.

Журналист Флориан Плеттенбергнинг сўзларига кўра, "Штутгарт" “Бавария” кейинги 24 соат ичида Вольтемаде бўйича биринчи расмий таклифни юборишини кутмоқда. Аввал хабар қилинганидек, швабияликлар миш-мишларга қарамай, форвард учун 100 миллион евро, ҳаттоки 80 миллион евро ҳам сўрамаяпти. Клуб ўз юлдузини 60-70 миллион еврога баҳоламоқда. Шартномага "Бавария" футболчиларидан бири ҳам киритилиши мумкин.

Ник Вольтемаде ўтган мавсумда “Штутгарт” сафида 33 та ўйинда майдонга тушиб, 17 та гол урди ва 3 та голга ассистентлик қилди.