"Спортинг"нинг швециялик ҳужумчиси Виктор Дьёкереш Лондоннинг "Арсенал" клубига ўтишини расман якунлаш арафасида. Бу ҳақда инсайдер Фабрицио Романо Х ижтимоий тармоғида хабар берди.
Манбага кўра, "Арсенал" ва "Спортинг" адвокатлар билан швециялик форварднинг келишувининг барча тафсилотлари, жумладан, жами 10 миллион еврога аниқ қўшимчалар бўйича ҳужжатларни текширмоқда. Қайд этилишича, расмий трансфердан сўнг дарҳол тиббий кўрик тайинланади. Трансфер борасида ҳеч қандай муаммо йўқлиги, оғзаки келишувга 100 фоизлик эришилгани айтилмоқда.
Олдинроқ Романо шартнома суммаси бонусларсиз 63,5 миллион евро бўлишини айтган эди.
Ўтган мавсумда "Спортинг" ҳужумчиси барча турнирларда 52та ўйин ўтказиб, 54та гол урган ва 13та голга ассистентлик қилган. Футболчининг клуб билан шартномаси 2028 йилнинг ёзига қадар тузилган ва унинг бозор қиймати, Transfermarkt маълумотларига кўра, 75 миллион еврони ташкил қилади.
