"Лидс" "Фейеноорд" вингери Игор Пайшаони ўз сафига қўшиб олиши мумкин, деб хабар беради L'Equipe.

Манбага кўра, инглиз клуби 32 миллион евролик иккинчи таклиф билан чиққан, биринчиси 28 млн евро эди. Битим аллақачон якунланмоқда.

Аввалроқ, Пайшао бутун ёз давомида "Марсель"нинг трансфер мақсади бўлгани ҳақида хабарлар тарқалган эди.

Footmercato хабарига кўра, француз клуби футболчи билан шахсий шартларни келишиб олган, бироқ "Фейеноорд" билан келишувга эришмаган.

Пайшао "Коритиба"дан 4,5 млн евро эвазига трансфер қилинганидан сўнг, 2022 йил августидан бери Нидерландия клубида ўйнаб келмоқда. Унинг шартномаси 2029 йилнинг 30 июнига қадар амал қилади.

Ўтган мавсумда Игор клуб сафида 47 та ўйинда 18 та гол ва 14 та голли узатмага муаллифлик қилган.