Мадриднинг "Атлетико" клубида узоқ вақтдан бери тўп тепиб келаётган юлдуз француз Антуан Гризманн Испанияни Саудия Арабистонига алмаштириши мумкин. Бу ҳақда Fichajes хабар бермоқда.
34 ёшли ҳужумчини айни дамда "Ал-Ҳилол" клубини бошқараётган италиялик мутахассис Симоне Индзаги ўз сафига қўшиб олмоқчи. Гризманн трансфери учун саудияликлар "матрасчилар"га тахминан 20 миллион евро тўлаши мумкин. Transfermarkt портали французнинг нархини 18 миллион деб баҳоламоқда.
Гризманн ва Мадриднинг топ-клуби ўртасидаги амалдаги меҳнат шартномаси муддати 2027 йилнинг ёзида тугайди.
