"Манчестер Юнайтед" ҳужумчиси Расмус Хёйлунд ёзда жамоани тарк этиши мумкин.
"Қизил иблислар" даниялик билан хайрлашишга қарор қилди, деб хабар бермоқда журналист Ян Оге Фёртофт. Манбага кўра, манкунианликлар 22 ёшли футболчи учун 30 млн фунт (тахминан 34,5 млн евро) сўрамоқда. Потенциал харидорлар билан музокаралар аллақачон олиб борилмоқда.
Расмус Хёйлундга Италиянинг "Наполи" ва "Ювентус" клублари қизиқиш билдирган. 2023 йилда "Манчестер Юнайтед" футболчини "Аталанта"дан сотиб олди ва трансфер учун тахминан 78 миллион евро тўлади. Маълум бўлишича, форвард ўзига сарфланган маблағни ҳеч қачон оқлай олмайди.













