"Эвертон" "Манчестер Сити" билан ҳужумкор ярим ҳимоячи Жек Грилиш трансфери бўйича музокараларни бошлади. Бу ҳақда The Telegraph нашри хабар берди.
Қайд этилишича, эҳтимолий битим ёпилишига ҳали анча бор - дастлабки музокаралар олиб борилмоқда. Келишувга асосий тўсиқ Грилишнинг юқори маоши бўлиши мумкин - "Манчестер Сити" футболчига ҳафтасига 300 минг фунт атрофида маош тўлайди.
Амалдаги шартнома 29 ёшли Грилишни "Манчестер Сити" билан яна икки мавсумга - 2027 йилнинг ярмигача боғлаб туради. "Шаҳарликлар" сафида Жек 157 та расмий ўйин ўтказиб, 17 та гол урган ва 23 та голли узатмани амалга оширган.
