Ўзбекистон XXII миллий чемпионатининг 13-тури доирасидаги марказий учрашувда «Бунёдкор» ҳамда «Локомотив» жамоалари ўзаро куч синашади. Бу икки жамоа ўртасида ҳисоб бўйича 11-ўйиндир. Бунгача ўтказилган «дербилар» натижасига кўра қалдирғочлар «Локомотив»ни сезиларли фарқ билан ортда қолдирмоқда. Ўзаро ўйинларда «Бунёдкор» 7 марта ғалаба қозонган бўлса, икки ўйинда темирйўлчиларнинг қўли баланд келган. Ўтган мавсумнинг 1-даврасида «ЖАР» стадионида қайд этилган 1:1 натижаси «Бунёдкор» ҳамда «Локомотив» жамоалари ўртасидаги ягона дуранг бўлиб турибди.

Ўтказилган ўйинларда дарвозалар жами 30 бор ишғол этилган. Шундан 20та гол «Бунёдкор» футболчилари ҳисобига ёзилган бўлса, «Локо» вакиллари ўнта голга муаллифлик қилишган. Шахсий кўрсаткичлар бўйича ҳам устунлик "қалдирғочлар" томонида. «Бунёдкор» сафида ҳаракат қилган уч нафар футболчи – Сервер Жепаров, Анвар Солиев ҳамда бразилиялик Ривалдо «Локомотив» дарвозасини уч мартадан ишғол этишган. Темирйўлчилар жамоасидан Марсель Идиатулин ва ўтган мавсум Артурас Фоменко икки марта бўлажак рақибимиз дарвозасини аниқ нишонга олган. Шунингдек, фаолиятини якунлаган Илхом Мўминжонов ҳисобида ҳам шунча гол бор. Аммо, у голларни ҳар икки жамоа сафида киритган.

Бу жамоаларнинг «Бунёдкор» клуби мезбонлик қилган ўйинларида қайд этилган натижалар билан танишинг:

2007 йил
«Қурувчи» – «Локомотив» – 3:1 (1:1). МҲСК стадиони. 5000 томошабин
Голлар: И.Мўминжонов (16,0-1), Ш.Саломов (45+2,1-1), Я.Мандзукас (51,2-1), Р.Ғофуров (80, 3-1)

2008 йил
«Қурувчи» – «Локомотив» – 2:0 (1:0). МҲСК стадиони. 3737 томошабин
Голлар: А.Солиев (19), С.Жепаров (90+2-пен.)

2009 йил
«Бунёдкор» – «Локомотив» – 2:1 (0:1). «Жар» стадиони. 7895 томошабин
Голлар: А.Солиев (62), Ривалдо Витор Борьба (88-пен.,) – Р.Р.Аъзамов (7).

2010 йил
«Бунёдкор» – «Локомотив» – 1:0 (0:0). «Жар» стадиони. 5122 томошабин
Гол: Т.Копадзе (52)

2012 йил
«Бунёдкор» – «Локомотив» – 1:1 (1:1). «Жар» стадиони. 4365 томошабин.
Голлар: Ян Козак (16) – Д.Раҳматуллаев (3)