Украина терма жамоаси марказий ҳимоячиси Илья Забарний Франциянинг "ПСЖ" клубига ўтганидан кейин ўз фикрларини билдириб ўтди.
"Мен жуда мамнунман, чунки дунёнинг энг яхши клубига ўтдим. Майдонда максимал даражада ҳаракат қиламан. Жамоадаги илк ўйинимни ва мухлислар билан учрашишни интиқлик билан кутяпман," - дея янги футболчининг сўзларини келтиради Париж гранди матбуот хизмати.
Забарний "ПСЖ"га Англиянинг "Борнмут" клубидан кўчиб ўтган. Илья француз гранди билан беш йиллик меҳнат шартномасини тузди. ОАВ маълумотларига кўра, украиналик ҳимоячининг трансфери учун Франция чемпиони 63 миллион евро тўлаган.













