"Бавария" спорт бўлими бошлиғи Макс Эберль жамоага янги келган Луис Диаснинг савиясига баҳо берди.
Мюнхенликлар 28 ёшли вингерни "Ливерпуль"дан 70 млн еврога сотиб олди. Трансфер июль ойи охирида амалга оширилди.
"Ливерпуль" учун муваффақиятли ўтган мавсумда Диас яна бир бор ўзини Премьер-лиганинг энг яхши ўйинчиларидан бири сифатида кўрсатди. Гарчи Муҳаммад Салоҳ ва Виржил ван Дейк каби бошқа юлдузлар одатда диққат марказида бўлса-да, Диас улар билан бир хил даражада ўйнади. "Бавария"да Луис жаҳон миқёсида янада машҳур бўлиши мумкин - худди ўтган мавсумда Майкл Олисе каби", - деди Эберль Sport Bild нашрига берган интервьюсида.
"Бавария" шанба куни Германия Суперкубоги доирасида "Штутгарт"га қарши баҳс олиб боради.













